Қозоғистон Ташқи ишлар вазири Японияга ташриф буюрди

ТОKYO. Кazinform - Қозоғистон Бош вазири ўринбосари – ташқи ишлар вазири Мухтар Тлеуберди «Марказий Осиё – Япония» мулоқоти ташқи ишлар вазирларининг 9-йиғилишида иштирок этиш учун Токиода бўлиб турибди. Бу ҳақда Kazinform Қозоғистон Республикаси Ташқи ишлар вазирлиги матбуот хизматига таяниб хабар беради.

Биринчи куни М.Тлеуберди Марказий Осиё давлатлари ташқи сиёсат идоралари раҳбарларининг Япония Бош вазири Фумио Кишида билан учрашувида иштирок этди. М.Тлеуберди Қозоғистон ва Япония ўртасидаги 30 йиллик дипломатик муносабатлар биргаликдаги саъй-ҳаракатлар натижасида кенгайтирилган стратегик шериклик даражасига кўтарилганини, бу сиёсий, савдо-иқтисодий ва маданий-гуманитар соҳаларда икки томонлама муносабатларнинг ривожланиш динамикасини кўрсатаётганини таъкидлади.

Шунингдек, вазирлар Япониянинг минтақа давлатлари билан дипломатик муносабатлари ўрнатилганининг 30 йиллиги муносабати билан 2022 йил 24 ноябрда ташкил этилган Марказий Осиё мамлакатлари билан дўстлик бўйича Япония Парламент лигаси аъзолари билан ҳам учрашди. Ушбу Лигада Япония Парламентининг ҳар икки палатасининг турли сиёсий партиялардан вакиллик қилувчи аъзолари мавжуд.

Вазир М.Тлеуберди Лига тинчлик ва барқарорликни мустаҳкамлаш, барқарор тараққиётни таъминлаш бўйича минтақалараро ва глобал саъй-ҳаракатларни бирлаштириш учун фаол парламентлараро ва партиялараро мулоқотни кенгайтиришга хизмат қилишга чақирилганига ишонч билдирди.

Фото: gov.kz