Қозоғистон Россия билан вакцинация паспортлари бўйича шартнома имзолашга тайёр

NUR-SULTAN. Кazinform - Қозоғистон Республикаси Соғлиқни сақлаш вазирлиги Россия Федерацияси билан вакцинация паспортларини ўзаро тан олиш тўғрисидаги битимни имзолашга тайёрлигини билдирди. Бу ҳақда ҚР Соғлиқни сақлаш вазири ўринбосари Айжан Есмағамбетова маълум қилди, дея хабар беради Кazinform мухбири.

«Вакцинация паспортлари ҳақида: ҳақиқатан ҳам биз Россия Федерациясидан Ташқи ишлар вазирлиги орқали келишув олдик. Қозоғистон Республикаси Соғлиқни сақлаш вазирлиги ўз позициясини билдирди – биз ушбу шартномани имзолашга тайёрмиз. Бугунги кунга келиб Рақамли ривожланиш ва аэрокосмик саноат вазирлиги билан иш олиб борилмоқда, чунки техник муаммолар мавжуд. ҚР РРАСВ ўз хулосасини билдириши билан ҳужжат дарҳол Ташқи ишлар вазирлигига боради ва Ташқи ишлар вазирлиги орқали Россияга юборилади», - деди А.Есмағамбетова.

Вазир ўринбосаридан келишув муддати ҳақида ҳам сўралган.

«Мен ҳозирча вақт ҳақида гапира олмайман, чунки биз ўз позициямизни анча олдин билдирган эдик. Энди саволлар техник хусусиятга эга бўлиб, улар ҚР РРАСВ ваколатига тааллуқлидир», — дея қўшимча қилди А.Есмағамбетова.

30 март куни Қозоғистон Республикаси Соғлиқни сақлаш вазирлиги Россия билан коронавирусга қарши эмлаш паспортларини ўзаро тан олиш бўйича келишув лойиҳасини тасдиқлаш учун қабул қилди.

Муаллиф: Азамат Сиздиқбаев