Қозоғистон Президентига «Бавария» футболчиларининг автографлари туширилган футболка совға қилинди
ASTANA. Kazinform - Бавария Бош вазири Маркус Зёдер Қозоғистон Президенти Қасим-Жомарт Тоқаевга Мюнхеннинг «Бавария» клуби футболчиларининг автографлари туширилган, Президент номи ёзилган футболкани совға қилди, деб хабар беради Kazinform агентлиги Ақордага таяниб.
Аввалроқ Қозоғистон Президенти Бавария Бош вазири Маркус Зёдер билан учрашув ўтказгани хабар қилинган эди.
Эслатиб ўтамиз, Давлат раҳбари Қасим-Жомарт Тоқаев Германияда амалий ташриф билан бўлиб, Мюнхен шаҳрига борди.
Музокаралар якунлари бўйича Қозоғистон ва Германия Президентлари Қўшма декларацияни қабул қилди. Қасим-Жомарт Тоқаев, шунингдек, Канцлер Фридрих Мерц билан музокаралар ўтказди. Уларнинг якунлари бўйича Қозоғистон ва Германия умумий қиймати 2 миллиард долларлик 30 дан ортиқ тижорат ҳужжатини имзолади.
