Қозоғистон Президенти Япония Бош вазири билан телефон орқали мулоқот қилди

ASTANA. Kazinform – Давлат раҳбари Қасим-Жомарт Тоқаев Япония Бош вазири Фумио Кишида билан телефон орқали мулоқот қилди. Бу ҳақда Ақорда матбуот хизмати хабар берди.

Қасим-Жомарт Тоқаев Япониядаги зилзила муносабати билан япон халқига сабр тилади ва табиий офат оқибатлари жиддий бўлмаслигига умид қилишини айтди.

Ўз навбатида, Фумио Кишида Қозоғистонга расмий ташрифини, жумладан, “Марказий Осиё+Япония” мулоқотининг биринчи саммитидаги иштирокини кечиктиришга мажбур бўлганидан афсусда.

Суҳбат чоғида Қасим-Жомарт Тоқаев ва Фумио Кишида Қозоғистон-Япония муносабатларининг бугунги ҳолати ва ривожланиш истиқболларини муҳокама қилдилар, минтақалараро интеграция масалалари юзасидан фикр алмашдилар.