Қозоғистон паспорти 193 давлат орасида 53-ўринни эгаллади

ASTANA. Kazinform – 2023 йил 1 июль ҳолатига кўра, Қозоғистон паспорт кучи бўйича мамлакатлар рейтингида 97 давлат ичида 53-ўринни эгаллади. Тадқиқотда БМТга аъзо 193 та давлат ва 6 та ҳудуд (бир нечта давлат бир ўринни эгаллаши мумкин) иштирок этди, дея хабар беради Kazinform Finprom.kzга таяниб.

Ҳар бир паспортнинг индивидуал тоифасини аниқлаш учун рейтинг экспертлари уларни визасиз режим (VF), келиш визаси (VOA), электрон кириш рухсатномаси (еТА) ва электрон виза (eVisa), чегарада 3 кун давомида виза берилиши мавжудлигини баҳолади.

Дунёдаги энг кучли паспорт бу Бирлашган Араб Амирликлари фуқароларининг паспортидир. Улар учун 125 та давлатда визасиз режим мавжуд, яна 55 та давлатда визани келганда олиш мумкин, фақат 18 та давлатда виза талаб қилинади.

Қозоғистон паспортига эга бўлган фуқаролар 39 давлатга визасиз бора олади, яна 52 та давлатга келганида визани олишлари мумкин, 107 давлатда эса қозоғистонликлар визага муҳтож бўлади.

Эслатиб ўтамиз, жорий йилнинг май ойида Қозоғистон фуқаролари 31 давлатга визасиз саёҳат қилишлари мумкин эди.

МДҲ давлатлари орасида Қозоғистон паспорти Украина, Россия, Молдова ва Беларусь паспортларидан пастроқ, аммо Арманистон, Озарбайжон, Қирғизистон, Ўзбекистон, Тожикистон ва Туркманистон паспортларидан кучлироқ.