Қозоғистон Осиё ўйинларида иккинчи “олтин”ни қўлга киритди

Қозоғистон миллий терма жамоаси Осиё ўйинларида иккинчи олтин медални қўлга киритди, деб хабар беради Kazinform.

ҚР Туризм ва спорт вазирлиги хабарига кўра, 10 метр масофадан нишонга отиш бўйича 18 ёшли Зухра Ирназарова чемпион бўлди. У 560 очко жамғариб, Шимолий Кореянинг икки мерганидан ўзиб кетди.

Бу Қозоғистон терма жамоасининг Осиёдаги иккинчи олтин медалидир.

Эслатиб ўтамиз, кеча Асем Оринбай, Зоя Кравченко ва Ольга Панарина томонидан ташкил этилган стенддан ўқ отиш бўйича Қозоғистон аёллар терма жамоаси “скит” машқида олтин медални қўлга киритиб, Осиё ўйинлари рекордини 350 очкога етказган эди.

"Ажойиб натижа! Зухрани ҳар қандай спортчи учун муҳим ғалаба билан табриклаймиз! Ишончим комилки, бу унинг учун сўнгги муваффақият эмас”, – деди Туризм ва спорт вазири Ермек Маржиқпаев.