Қозоғистон олимлари оқсил ва Ньюкасл касаллигига қарши вакцина ишлаб чиқади

NUR-SULTAN. Кazinform - Биохавфсизлик илмий-тадқиқот институти олимлари қатор касалликларга қарши вакцина ишлаб чиқаради. Бу ҳақда бугун Ҳукумат йиғилишида институт бош директори Кунсулу Закарья маълум қилди, дея хабар беради Kazinform мухбири.

– Институт олимлари келгусида янги диагностика ва профилактика дори воситалари, жумладан оқсил, юқумли плевропневмония, майда кавш қайтарувчи жониворлар вабоси, Ньюкасл ва бошқа касалликларга қарши вакциналар яратишни режалаштирган.

Унга кўра, бугунги кунда институт тузилмаси биохавфсизликнинг 2-3-даражали 13 та илмий-тадқиқот лабораторияларини ўз ичига олади.

Унда 280 нафар тадқиқотчи ва етакчи вирусологлар, биологлар, биотехнологлар (академиклар, фан докторлари ва фан номзодлари, PhD) ишлайди.

«Институтда ноёб микроорганизмлар ва вирусларнинг ноёб коллекцияси мавжуд. Халқаро ҳамкорлик доирасида ЖССТ билан энг хавфли инфекцияларга қарши вакциналар яратиш бўйича меморандум имзоланди. Институт олимлари томонидан ўта хавфли инфекцияларга қарши 70 дан ортиқ турдаги маҳаллий вакциналар ва бошқа биологик воситалар ишлаб чиқилиб, жорий этилди», — деди Кунсулу Закарья.

Муаллиф: Марлан Жиембай