Қозоғистон оғир атлетикачилари ўсмирлар ўртасидаги ЖЧда 10 та медални қўлга киритди

ASTANА. Kazinform - Қозоғистон спортчилари Албанияда оғир атлетика бўйича ўтказилган ўсмирлар ўртасидаги жаҳон чемпионатида 7 олтин, 2 кумуш ва 1 бронза медални қўлга киритди. Шу тариқа, Қозоғистон медаллар умумий сони бўйича 1-ўринни эгаллади, деб хабар беради Кazinform ҚР Маданият ва спорт ишлари вазири Асхат Ораловнинг Facebookдаги саҳифасига таяниб.

Энг юқори даражадаги медалларни 73 кг гача бўлган вазнда Ерасил Саулебеков ва 102 кг гача бўлган вазнда Никита Абдираҳманов қўлга киритди. Ҳар икки спортчи силтаб кўтариш, даст кўтариш ва умумий ҳисобда олтин медални қўлга киритди. Нурдос Сабир (89 кг гача) ва Таисия Алексеева (64 кг гача) ҳисобида кумуш медаллар мавжуд.

«Болаларни ва барча қозоғистонлик мухлисларни ушбу муваффақият билан табриклайман. Ёш оғир атлетикачиларимизга бундан кейин ҳам муваффақиятлар, ёрқин янги зафарлар тилайман. Оғир атлетика миллий мактаби Қозоғистонга янги чемпионларни беришда давом этаётган мураббийларга алоҳида раҳмат», - деб ёзади вазир.

Фото: facebook.ashatoralov.com