Қозоғистон оғир атлетикачилари халқаро мусобақада ғолиб чиқдилар
ASTANA. Kazinform - Қозоғистон оғир атлетикачиларини “Байтерек” холдинг қўллаб-қувватлади ва спортчилар жаҳон чемпионатида совринли ўринларни қўлга киритди. 21-26 август кунлари Қирғизистон Республикасининг Чўлпон-Ота шаҳрида оғир атлетика бўйича жаҳон чемпионати бўлиб ўтди. Мусобақада 21 давлатдан 600 дан ортиқ иштирокчи қатнашди, улар орасида қозоғистонлик спортчилар ҳам энг яхши натижаларни кўрсатди.
“Биз спортчиларимизни қўллаб-қувватлагани учун “Байтерек” холдинг компаниясига чин дилдан миннатдормиз. Ушбу ёрдам туфайли Қозоғистонни халқаро майдонда муносиб ҳимоя қила олдик ва бу бизни нафақат оғир атлетика спортини мамлакатимизда янада ривожлантиришга, балки янги-янги ғалабаларни забт этишга илҳомлантирмоқда”, - дейди жамоа мураббийи Марат Молдибаев.
Натижа яхши бўлиб, Жақсилиқ Ислямов “узоқ цикл” машғулотларида 68 килограммгача (U18) вазн тоифасида биринчи ўринни эгаллади.
Мейрам Бекежан “итариш” машқида 73 кг (U23) вазн тоифасида кумуш медаль соҳибига айланди. Қизлар ўртасида эса Маҳаббат Мусайбекова “итариш” машқида 58 килограмм (U16) вазн тоифасида бронза медалига сазовор бўлди. Спорт фахрийси Халит Сулейменов (60-64 ёш) Россия ва Англия спортчиларидан кейин фахрли учинчи ўринни эгаллади.
“Биз ҳар бир спортчи билан фахрланамиз ва улар мамлакат шарафи дахл қилинган байроқли мусобақаларда ютқазмасликларини истаймиз. Бу гал олис тумандан ҳам халқаро танловда иштирок этиш истагини билдирган фуқароларга омад тиладик ва уларнинг шундай юксак натижаларга эришганини эшитиб хурсанд бўлдик. Гир спорти олимпия спорт тури бўлмасада, спортчиларимиз совринли ўринларни қўлга киритишди. Бу мамлакатимизда нафақат йирик шаҳарларда, балки қишлоқларда ҳам спорт ривожланиб бораётганидан далолатдир. Бундай ташаббуслар барча даражадаги спортни қўллаб-қувватлаш нақадар муҳимлигини кўрсатади”, — деди “Байтерек” МБХ АЖ бошқаруви раиси Рустам Карагойшин.
Келгусида “Байтерек” МБХ АЖ ижтимоий масалаларни ҳал этиш ва жамоатчиликда ижобий фикрни шакллантиришга ҳисса қўшадиган ташаббусларни қўллаб-қувватлашда давом этади.
