Қозоғистон меҳнат бозорида қайси касбларга талаб юқори
ASTANA. Kazinform - Қозоғистонда меҳнат бозорида қайси касбларга талаб юқори? Бу саволга ҚР Меҳнат ва аҳолини ижтимоий ҳимоя қилиш вазирлиги жавоб берди.
“Ҳозирги кунда Enbek.kz платформасида (порталида) 55 мингга яқин бўш иш ўринлари жойлаштирилган. Улар орасида энг кўп талабга эга бўлган таълим соҳасида - 8,9 минг, малака талаб қилмайдиган соҳаларда - 8,4 минг, ишлаб чиқаришда - 6,8 минг, тиббиёт соҳасида 4,7 минг кишини ташкил этади. Шунингдек, ишчи кучига талаб шимолий вилоятларда - 9,1 минг кишини, марказий ва шарқий вилоятларда - 14,8 минг кишини, жанубий вилоятларда - 8,1 минг кишини, ғарбий вилоятларда - 7,8 минг кишини, мегаполис шаҳарларида - 13,5 минг кишини ташкил этади”, — дейилади вазирликнинг Kazinform агентлигига берган жавобида.
Ушбу порталда 245 минг резюме жойлаштирилган. Улардан 20,6 минг нафари шимолий вилоятлардан, 38,7 минг нафари марказий ва шарқий вилоятлардан, 72 минг нафари жанубий вилоятлардан, 61,3 минг нафари ғарбий вилоятлардан, 53 минг нафари эса мегаполис шаҳарларидан келган.
“Шу нуқтаи назардан, бўш иш ўринлари ва резюмелар сонида номутаносиблик борлиги сезилади. Шу боис, мазкур портал иш берувчилар ва иш изловчилар ўртасидаги ахборот платформаси эканлигини инобатга олиб, портал орқали фаол ўзаро ҳамкорлик қилиш, етишмовчилик ёки ишсизлик масаласини ҳал қилиш учун тўлиқ имконият мавжуд”, — дейилади Меҳнат вазирлиги ахборотида.
Муаллиф: Руслан Ғаббасов
