Қозоғистон медаллар жадвалида нечанчи ўринда

PARIS. Кazinform - Франция пойтахти Париж шаҳрида бўлиб ўтаётган Олимпиада ўйинларида Қозоғистон терма жамоаси медаллар жамғариш бўйича умумжамоа ҳисобида 29-ўринда бормоқда.

Бугунги умумий медаллар жадвалига кўра, Қозоғистон терма жамоаси 1 та олтин, 1 та кумуш, 2 та бронза медали билан 29-ўринни эгаллади. Жами медаллар сони бўйича эса АҚШ терма жамоаси етакчилик қилмоқда. Улар ҳисобида 19 та олтин, 26 та кумуш ва 26 та бронза медали бор.

Хитой терма жамоаси иккинчи ўринда. Шунингдек, улар ҳисобида 19 та олтин, 15 та кумуш ва 11 та бронза медали бор. Кучли учликни эса 12 олтин, 14 кумуш ва 18 бронза медали билан Олимпиада мезбони Франция терма жамоаси якунлаб турибди.

Бугун Париж Олимпиадасида 1 та давлат ўзининг дастлабки совринларини қўлга киритди. Шу тариқа медаль олган давлатлар сони 61 тага етди.

Эслатиб ўтамиз, Франция пойтахти Париж шаҳрида ўтказилаётган ХХХIII ёзги Олимпия ўйинлари 11 август куни якунланади. Ўйинларда дунёнинг 205 давлатидан 10 500 нафар спортчи иштирок этмоқда. Олимпиадачилар 32 спорт туридан 329 та медаллар жамланмаси учун курашади.