Қозоғистон МДҲ давлатларига 3 млрд долларлик қишлоқ хўжалиги маҳсулотларини экспорт қилди
Қозоғистон ва МДҲ давлатлари ўртасида агросаноат мажмуаси товар айланмасининг умумий ҳажми 6,5 миллиард долларни ташкил этди. Бу ҳақда МДҲга аъзо давлатларнинг озиқ-овқат хавфсизлигини таъминлаш соҳасидаги ҳамкорлик бўйича вазирлар конференциясида ҚР Қишлоқ хўжалиги вазири Айдарбек Сапаров сўзлаган нутқида маълум қилди, деб хабар беради Kazinform мухбири.
“Қозоғистоннинг МДҲ мамлакатлари билан қишлоқ хўжалиги маҳсулотларининг умумий айланмаси 2022 йилда 23 фоизга ўсди ва 6,5 миллиард долларни ташкил этди, бу Қозоғистон қишлоқ хўжалиги маҳсулотлари умумий айланмасининг 60 фоизини ташкил этади”, - деди Аидарбек Сапаров.
Шу билан бирга, вазир таъкидлаганидек, ўтган йили Қозоғистоннинг МДҲ мамлакатларига экспорти қарийб 3 миллиард долларни ташкил этиб, 27 фоизга ошган. Бу эса республика агросаноат тармоғи умумий экспортининг 56 фоизини ташкил этади.
- Шу билан бирга, Қозоғистон Ҳамдўстлик давлатларидан 3,5 миллиард долларга қишлоқ хўжалиги маҳсулотларини харид қилди, бу мамлакат умумий импортининг 67 фоизини ташкил этади. Бу Қозоғистон ва Ҳамдўстлик мамлакатлари ўртасидаги умумий тарих ва савдо-иқтисодий алоқаларга асосланган яқин муносабатларнинг натижасидир”, - дея қўшимча қилди Айдарбек Сапаров.
Муаллиф: Серик Сабеков
