Қозоғистон мактабларида дўмбира тадбири бўлиб ўтади
ASTANA. Kazinform – 20 март куни Наврўз байрами доирасида челлендж бўлиб ўтади, дея хабар беради Kazinform ҚР Таълим-маориф вазирлиги матбуот хизматига таяниб.
- Дўмбирачилар челленджи - болалар ва ёшлар, ўқитувчилар ва ота-оналарнинг мусиқа санъати йўналишидаги ижодий ютуқларини намойиш этиш ва дўмбирани оммалаштириш. Ҳамма иштирок этишга таклиф этилади. Ушбу челлендж ўтган йили биринчи марта бўлиб ўтди. Дўмбира садолари барча таълим муассасаларида бир вақтда янгради. Бу республика маданий ҳаётида ноёб ҳодисадир. Тадбирлар ягона таълим дастури доирасида ўтказилмоқда”, — деб тушунтирди ўқув ишлари ва қўшимча таълим департаменти директори Меруерт Медетбекова.
Жорий йил 14-23 март кунлари Қозоғистондаги барча умумтаълим мактабларида Наврўз байрамини нишонлаш тадбирлари ўтказилади. Шу кунларда тематик чақириқлар, умуммиллий экологик акция ва миллий ўйинлар бўйича турли мусобақалар ташкил этилади.
