Қозоғистон кўмирининг узоқ мамлакатларга экспорти 6,5 баробар ошди

ASTANА. Кazinform — Қозоғистоннинг узоқ мамлакатларга кўмир экспорти ошди. Бу ҳақда Қозоғистон Республикаси Саноат ва қурилиш вазирлиги матбуот хизмати хабар берди.

“Қазиб олинган кўмирнинг умумий ҳажмида экспорт улуши тарихан 26-28 фоизни ташкил этади. Сўнгги беш йилдаги кўмир экспортини таҳлил қиладиган бўлсак, экспорт салоҳияти илғор эканлиги аён бўлади. Қозоғистон Республикаси Миллий статистика бюроси маълумотларига кўра, тошкўмир ва қўнғир кўмирнинг хорижий давлатларга экспорти 6,5 баробарга (1,3 миллион тоннадан 8,5 миллион тоннагача) ошган. Бу ҳолат, биринчи навбатда, Европа Иттифоқи томонидан Россия Федерациясига нисбатан қабул қилинган санкция чоралари, уларнинг Қозоғистон кўмирига бўлган талабининг ва унинг нархининг ошиши билан боғлиқ”, — дейилади вазирликнинг Каzinform агентлигига расмий жавобида.

Хусусан, келгуси даврда узоқ мамлакатларга кўмир ташиш ҳажми яна ошиши мумкин.

“Шундай қилиб, ер қаъридан фойдаланувчиларимиз экспорт салоҳияти асосан кўмирга бўлган талаб ортиб бораётганлиги сабабли узоқ мамлакатларга йўналтирилмоқда”, — дейилади вазирлик ахборотида.

Аввал хабар қилинганидек, Қозоғистон Республикаси ёқилғи-энергетика комплексини 2023-2029 йилларга мўлжалланган ривожлантириш концепциясида кўмир қазиб олишнинг ҳар йили ўсиши ҳисобга олинган.