Қозоғистон кўмири қайси давлатларга экспорт қилинади

ASTANA. Kazinform – ҚР Саноат ва қурилиш вазирлиги мамлакатда ишлаб чиқарилган кўмир қайси давлатларга экспорт қилинишига ойдинлик киритди.

“Йилига ишлаб чиқарилган кўмирнинг 25-30 фоизи экспорт қилинади. Экспорт бозорининг асосий мижозлари Россия, Ўзбекистон, Қирғизистон, Туркия, Европа давлатлари ҳисобланади”, — дейилади вазирликнинг Kazinform агентлигига берган жавобида.

Аввал хабар қилинганидек, жорий йил охиригача 112,7 миллион тонна кўмир қазиб олиш режалаштирилган. Кўмир қазиб чиқарувчи корхоналарнинг тезкор маълумотларига кўра, жорий йилнинг 9 ойида 77,7 миллион тонна кўмир қазиб олинган.

Ўтган йили Қозоғистон 31,2 миллион тонна кўмир экспорт қилган.

Муаллиф: Марлан Жиембай