Қозоғистон қизлар терма жамоаси бокс бўйича Осиё чемпионатини 3 та олтин медаль билан якунлади

Қозоғистон қизлар терма жамоаси Астана шаҳрида бокс бўйича ўсмирлар ўртасидаги Осиё чемпионатини 3 та олтин, 4 та кумуш ва 4 та бронза медали билан якунлади, деб хабар беради Каzinform мухбири.

Қозоғистон бокс федерациясининг хабар беришича, Аяжан Сидиқ (54 кг), Толғанай Қасимхан (60 кг) ва Алина Қудайгенова (63 кг) қитъа миқёсидаги мусобақада ғолибликни қўлга киритди.

Шунингдек, Айим Танқибаева (46 кг), Сила Биболсинқизи (48 кг), Ақбота Есимбекова (70 кг), Аружан Зейноллаева (75 кг) кумуш, Айша Сариева (52 кг), Айсулу Мухит (66 кг), Қуралай Егинбайқизи (80 кг) ва Панар Сейтқанқизи (+80 кг) бронза медалини қўлга киритди.

Бунгача қозоғистонлик ўсмир қизлар Осиё чемпионатида 2019 йилда 3 та, 2021 йилда 4 та, 2022 йилда эса 2 та олтин медални қўлга киритган эди.

Бу йилги мусобақада Ҳиндистон 5 олтин, 3 кумуш, 5 бронза медали билан пешқадамлик қилган бўлса, Ўзбекистон (4 олтин, 5 кумуш, 3 бронза) иккинчи ўринни эгаллади. Кучли учликдан Қозоғистон жой олган.

Муаллиф: Ғайсағали Сейтақ