Қозоғистон қайси давлатларга ғалла экспортини оширади

ASTANА. Кazinform - Украина ғалласининг жаҳон бозорига чиқмаслиги сабабли, маълум миқдорда буғдой танқислиги юзага келиши мумкин. Бу ҳақда ҚР Қишлоқ хўжалиги вазирлиги маълум қилди, дея хабар беради Кazinform мухбири.

«Мамлакатимиз ғалласининг экспорт бозорларида рақобатбардошлигини ошириш борасида изчил ишлар амалга оширилмоқда. Масалан, Қозоғистондан Афғонистонга ғалла экспортини кўпайтириш мақсадида Ўзбекистон ҳудуди орқали темир йўл орқали транзит ташишда тариф имтиёзларини олиш ишлари олиб борилмоқда», — дея таъкидлади вазирлик агентликнинг расмий сўровига жавобан.

Шу билан бирга, «Озиқ-овқат корпорацияси» МК» АЖ ва бошқа қозоғистонлик экспортёрлар Кавказ минтақаси мамлакатларига, биринчи навбатда, Озарбайжонга ғалла етказиб бериш ҳажмини оширишни режалаштирмоқда.

«Россия Федерациясининг ғалла шартномасидан чиқиши, албатта, дунёда ғалла нархининг ошишига олиб келади. Бунинг сабаби шундаки, Украина дунёдаги энг йирик ғалла етиштирувчи ва экспорт қилувчи мамлакатлардан биридир. Украина ғалласининг жаҳон бозорига чиқмаслиги маълум бир танқисликни келтириб чиқариши мумкин», — дейилади вазирлик хабарида.

Аввал хабар қилинганидек, жорий йилда Хитой томони билан Қозоғистон ғалласини «кунига битта темир йўл таркиби» схемаси бўйича экспорт қилиш бўйича шартнома имзоланган эди.

Муаллиф: Марлан Жиембай