Қозоғистон Инқирозга қарши чоралар бўйича тезкор штаб қурди

NUR-SULTAN. Kazinform – Қозоғистон Бош вазири Алихан Смаилов Қозоғистон Ҳукумати ҳузурида Инқирозга қарши чоралар бўйича тезкор штаб қурилганини маълум қилди, деб хабар беради Kazinform Бош вазир матбуот хизматига таяниб.

Тезкор штаб Россия Федерациясига санкциялар пакети эълон қилиниши ва уларнинг Қозоғистон иқтисодиётига таъсири билан боғлиқ иқтисодиёт ва бизнесдаги муаммоли масалаларни кўриб чиқади ва ҳал қилади.

Тезкор штаб таркибига асосий давлат органларининг биринчи раҳбарлари, ишбилармон доиралар вакиллари ва соҳа мутахассислари кирди.

Бундан ташқари, Тезкор штабнинг келгуси фаолиятида маҳаллий бизнеснинг бошқа вакиллари ва экспертлар ҳамжамиятининг иштирок этиши мумкин.

Бугун Бош вазирнинг биринчи ўринбосари Роман Скляр раислигида Тезкор штабнинг биринчи йиғилиши бўлиб ўтди. Учрашувда транспорт ва логистика, контрагентлар ўртасидаги ўзаро ҳисоб-китоблар, шунингдек, маҳаллий бизнеснинг бошқа масалалари муҳокама қилинди.