Қозоғистон хусийларнинг Саудия Арабистонидаги ҳужумларини қатъий қоралади
ASTANА. Кazinform — Қозоғистон Республикаси Ташқи ишлар вазирлиги хусий жангариларининг Саудия Арабистонидаги фуқаролик инфратузилмасига қилган, одамларнинг ҳалок бўлишига олиб келган ҳужумларини қатъий қоралади.
Вазирлик маълумотларига кўра, бундай ҳужумлар гуманитар нуқтаи назардан қабул қилиниши мумкин эмас ва халқаро ҳуқуқни бузади.
Вазирлик бу ҳаракатлар Ямандаги вазиятни барқарорлаштиришга қаратилган саъй-ҳаракатларга путур етказишини ва можарони сиёсий йўл билан ҳал қилишга тўсқинлик қилишини таъкидлади.
— Биз ҳужумларни дарҳол тўхтатишга ва инқирозни фақат сиёсий ва дипломатик йўллар билан ҳал қилишга чақирамиз, — дейилади баёнотда.
Қозоғистон шунингдек, Саудия Арабистони билан бирдамлигини яна бир бор тасдиқлади ва Қироллик БМТ Низомига мувофиқ ўз суверенитети ва хавфсизлигини ҳимоя қилиш ҳуқуқига эга эканлигини таъкидлади.
Эслатиб ўтамиз, Қозоғистон ТИВнинг маълум қилишича, Ар-Риёддаги ҳужумда жабрланганлар орасида Қозоғистон фуқаролари йўқ.
