Қозоғистон Хитой компанияларига ноёб фойдали қазилмаларни биргаликда ўзлаштиришни таклиф қилди

ASTANA. Kazinform – ҚР Бош вазири ўринбосари – Ташқи ишлар вазири Мурат Нуртилеу икки давлат ўртасидаги иқтисодий муносабатларнинг муҳим жиҳатларига алоҳида тўхталиб ўтди.

“Қозоғистон Ҳукумати Хитой томонининг инвестициялар ҳажмини ошириш ниятини тўлиқ маъқуллайди. Айни пайтда нефть-газ, кимё, металлургия, қишлоқ хўжалиги саноати, тоғ-кон саноати ва бошқа соҳаларда ўнлаб йирик қўшма лойиҳалар амалга оширилди. Бундан ташқари, илғор технологиялар, инновациялар ва илмий тадқиқотлар соҳасидаги салоҳиятимизни янада ошириш биз учун жуда муҳим”, — деди Мурат Нуртилеу Хитой Ташқи ишлар вазири билан учрашувдан сўнг ОАВга берган баёнотида.

Вазирнинг сўзларига кўра, икки давлат юқори сифатли технологик ҳамкорликка алоҳида эътибор қаратмоқда.

“Жумладан, Қозоғистон томони Хитой томонининг мамлакатда электромобиллар ишлаб чиқаришни йўлга қўйиш таклифини тўлиқ қўллаб-қувватлайди. Ўз навбатида биз Хитой компанияларини нодир фойдали қазилмалар захираларини биргаликда ўзлаштиришга таклиф қиламиз”, – деди М. Нуртилеу.