Қозоғистон-Хитой чегарасидаги автомобил ўтказиш пунктлари 21-23 январ кунлари ишламайди

ASTANA. Kazinform – 2023 йилнинг 21 январидан 23 январига қадар Қозоғистон-Хитой чегарасидаги автомобил ўтказиш пунктларида одамлар, транспорт воситалари ва товарларни ўтказиш амалга оширилмайди. Бу Хитойда баҳор байрами нишонланиши билан боғлиқ, дея хабар беради Kazinform Давлат даромадлари қўмитаси матбуот хизматига таяниб.

«Қозоғистон-Хитой чегарасидаги темир йўл назорат пунктлари одатдагидек ишлашда давом этади. Чегарани кесиб ўтмоқчи бўлган ҳар бир кишидан жорий этилган чекловларни ҳисобга олган ҳолда ўз йўналишини олдиндан режалаштиришларини сўраймиз», - дейилади қўмита хабарида.

Аввалроқ мамлакатда бу йил Хитой Янги йилини 21-27 январ кунлари нишонлаши хабар қилинганди.