Қозоғистон-Хитой чегара пунктлари самарадорлигини ошириш масалалари муҳокама қилинди

None
ASTANA. Kazinform – Қозоғистон Республикаси Бош вазири Алихан Смаилов раислигида бўлиб ўтган йиғилишда Қозоғистон-Хитой чегарасидаги назорат-ўтказиш пунктлари самарадорлигини ошириш чора-тадбирларини амалга ошириш билан боғлиқ масалалар муҳокама қилинди, деб хабар беради Kazinform Ҳукумат матбуот хизматига таяниб.

Қозоғистон Республикаси Молия вазирлиги Давлат даромадлари қўмитаси бошлиғи Данияр Жаналинов, кўрилган чора-тадбирлар натижасида охирги ҳафтада «Нур жоли» бекатининг қуввати сезиларли даражада ошганини маълум қилди. Жумладан, 19 март куни ХХРдан Қозоғистон Республикасига, Қозоғистондан Хитой Халқ Республикасига 680 дан ортиқ юк автомобили (13 мартда 150 га яқин), 140 га яқин автотранспорт воситалари ўтди. Чегарадаги навбат дастлабки кунларда роппа-роса 300 та машинадан 20 март ҳолатига кўра 70 га яқин машинагача қисқарди.

Бош вазир Ташқи ишлар вазирлиги ёрдамида бу жараённи тезлаштириш, шунингдек, Қозоғистон компанияларининг халқаро ташишларга киришини осонлаштириш чораларини кўриш зарурлигини таъкидлади.

Шу билан бирга, Алихан Смаилов чегара пунктларида электрон навбатни шакллантириш йўлларини кўриб чиқиш ва оптималлаштириш бўйича топшириқ берди.

Сўнгги хабарлар
telegram