Қозоғистон фуқароларига шахсий гувоҳнома ёки паспорт берилган пайтда бармоқ излари олинади

ASTANА. Каzinform - Келгуси йилнинг 1 январидан бошлаб шахсий гувоҳнома, паспорт, Қозоғистонда бўлиш учун рухсатнома эгасидан бармоқ излари олинади, деб хабар беради Каzinform мухбири.

«Хотира сиғими камида 64 Кб бўлган микросхемада Қозоғистон Республикаси фуқаросининг бармоқ изи, шу жумладан 16 ёшга тўлган ва 12 ёшдан ошган шахснинг фуқаролиги ва юридик манзили, фотосурати ва имзоси, Қозоғистон Республикасининг 2016 йил 30 декабрдаги «Дактилоскопик ва геномик рўйхатга олиш тўғрисида»ги Қонунида белгиланган шартларда излар ҳақидаги график ва матнли маълумотлар ҳимояланган шаклда сақланади», - дейилади Ashyq НҲА порталида эълон қилинган Ички ишлар вазирининг буйруғи лойиҳасида.

Шунингдек, ҳужжатда ёзилганидек, бармоқ излари фуқароларнинг шахсий гувоҳномалари, чет эл фуқаросининг Қозоғистонда бўлиш рухсатномаси ва фуқаролиги бўлмаган шахснинг гувоҳномасига жойлаштирилади.

«Бу Қозоғистон Республикасининг 2016 йил 30 декабрдаги «Дактилоскопик ва геномик рўйхатга олиш тўғрисида»ги қонунига мувофиқ 2024 йил 1 январдан бошлаб бармоқ изини рўйхатдан ўтказиш талаби кучга кириши билан боғлиқ», — дея буйруқ лойиҳаси тушунтирилди.

Ҳужжат 20 июлга қадар жамоатчилик муҳокамаси учун тақдим этилади.

Муаллиф: Алихан Асқар