Қозоғистон Фаластин халқига 1 млн долларлик гуманитар ёрдам беради - Давлат раҳбари
Қозоғистон Президенти Қасим-Жомарт Тоқаев Туркий давлатлар ташкилотининг X йиллик саммити йиғилишида Фаластин халқига 1 миллион доллар миқдорида гуманитар ёрдам кўрсатиш тўғрисидаги қарорни маълум қилди, деб хабар беради Kazinform .
– Медиация ролини ошириш долзарб вазифадир (Mediation). Ҳозирги кунда атрофимизда қийин вазият юзага келмоқда. Шимолда Россия ва Украина ўртасида, Яқин Шарқда - Исроил ва Фаластин ўртасида можаро давом этмоқда. Афғонистонда беқарорлик давом этмоқда. Ғарбда ноқонуний миграция муаммоси тобора кучайиб бормоқда. Бугун Ғазо секторидаги тинч аҳоли, айниқса, болалар ва қариялар қарама-қаршилик қурбонига айланмоқда. Асосий вазифа - уларнинг хавфсизлигини таъминлаш. Шу муносабат билан мен Фаластин халқига 1 миллион доллар миқдорида гуманитар ёрдам кўрсатишга қарор қилдим”, - деди Қасим-Жомарт Тоқаев ТДТ X йиллик юбилей саммити йиғилишида.
Қозоғистон Президенти ўнлаб йиллар давомида ҳал этилмаган долзарб муаммоларни зўравонлик ва террористик ҳаракатлар орқали ҳал этиш мутлақо қабул қилиниши мумкин эмаслигини таъкидлади.
- Қозоғистон бундай усулларни кескин қоралайди. Вазиятнинг кучайиши жиддий оқибатларга олиб келиши мумкин. Шу муносабат билан биз ҳар қандай низоларни фақат тинч музокаралар ва дипломатик мулоқот орқали ҳал қилишга чақирамиз. Биз учун барча давлатларнинг ҳудудий яхлитлигини сақлаш, уларнинг ички ишларига аралашмаслик асосий устувор вазифалардир. Бирлашган Миллатлар Ташкилоти Хавфсизлик Кенгаши резолюцияларини қатъий бажариш ва халқаро ҳуқуқ нормаларига риоя қилиш муҳим», - деди Қасим-Жомарт Тоқаев.
