Қозоғистон Евро-2024 га чиқа оладими

Футбол
Фото: Sports.kz

Қозоғистон терма жамоаси футбол бўйича 2024 йилги Европа чемпионати саралаш ўйинида Финляндия термасини сафарда мағлуб этиб (2:1) навбатдаги сенсация яратди ва ҳали ҳам қитъа чемпионатига чиқиш имкониятини сақлаб қолди, деб хабар беради Kazinform агентлиги Sports.kzга таяниб.

Саралаш турнири якунланишига икки тур қолганда Қозоғистон 15 очкога эга бўлса, пешқадам Словения ва Дания 19 очкога эга.

Қолган иккита ўйинда Қозоғистон терма жамоаси Сан-Марино ва Словенияга қарши майдонга тушади. Словения терма жамоаси Қозоғистон билан ўйиндан ташқари Дания терма жамоаси билан ҳам учрашув ўтказади. Дания терма жамоасига келсак, у Шимолий Ирландияга қарши ўйин билан саралаш босқичини якунлайди.

Саралаш турниридан Евро-2024 га йўл олиш учун Қозоғистон терма жамоаси ҳар қандай ҳолатда ҳам иккита ўйинда ғалаба қозониши керак. Бироқ, бу вазиятда ҳам у рақибларининг мағлубиятларига умид қилиши керак: агар Словения Данияга ютқазса ёки у билан дуранг ўйнаса, бу Магомед Адиев жамоасига Европа чемпионатига чиқишига ёрдам беради.

Сўнгги хабарлар