Қозоғистон Эронга музлатилган гўшт экспорт қилади

Қозоғистон Эронга музлатилган гўшт экспорт қилади
Фото: ҚР Қишлоқ хўжалиги вазирлиги матбуот хизмати

Икки томонлама меморандум 2023 йил 3 декабрь куни Теҳронда Эрон вазир ўринбосари ва ветеринария ташкилоти раҳбари Можтаба Норузий ва Қозоғистон Қишлоқ хўжалиги вазири ўринбосари Аманғали Бердалин томонидан имзоланган, деб хабар беради Kazinform агентлиги Қозоғистон Қишлоқ хўжалиги вазирлиги матбуот хизматига таяниб.

Мазкур ҳужжат маҳаллий чорва молларининг музлатилган гўштини етказиб бериш бўйича янги экспорт йўналишларини очиб беради. Ҳозиргача Қозоғистон ишлаб чиқарувчилари Эронга фақат сақлаш муддати 3 кунгача бўлган совутилган мол гўштини етказиб берар эди.

Шартнома ҳужжатида қуйидаги талаблар кўзда тутилган:

Қозоғистондан суяксиз музлатилган мол гўшти импортига қўйиладиган ветеринария-санитария талаблари.

Эрон томони Қозоғистондан музлатилган суяксиз мол гўшти импорти учун ветеринария-санитария талабларини тақдим этади. Ветеринария-санитария талаблари келишилганидан сўнг, Қозоғистондан Эронга суяксиз мол гўшти экспортини очиш бўйича Эрон ветеринария ташкилоти раҳбарлари ва Қозоғистон Республикаси Қишлоқ хўжалиги вазирлигининг Ветеринария назорати қўмитаси раиси ўртасида ветеринария сертификатлари келишилади ва шартнома имзоланадилар.

Эрон сут корхоналарини Евроосиё иқтисодий иттифоқи (ЕИҲ) ва Қозоғистон Республикаси ҳудудига импорт қилиш ҳуқуқига эга учинчи давлатлар реестрига киритиш тўғрисида.

Қозоғистон томони ЕОИИ ва Қозоғистон Республикаси инспекторларининг, Эрон ветеринария хизмати ва Эрон сут корхонолари иштирокида аудит ва қўшма текширувдан сўнг, ЕОИИ ва Қозоғистон Республикаси ҳудудига сут маҳсулотларини импорт қилиш ҳуқуқига эга бўлган учинчи давлатлар реестрига Эрон сут маҳсулотлари ишлаб чиқарувчи корхоналарни қўшиш бўйича ҳамкорлик қилишга тайёр.

Вакуумли қадоқдаги қорамолларнинг янги гўштининг яроқлилик муддатига оид илмий ҳужжатлар.

Қозоғистон томонининг вакуумли қадоқдаги янги мол гўштининг сақлаш муддатини 3 кундан 16 кунгача ошириш илтимосига кўра, Эрон томони Қозоғистондан сақлаш муддатига оид илмий ҳужжатларни сўради. Эрон ветеринария ташкилоти Импорт ва экспорт техник қўмитаси томонидан тақдим этилган ҳужжатларни кўриб чиқади.

Сўнгги хабарлар