Қозоғистон эркин кураш бўйича жаҳон чемпионатида иккита «бронза» медалини қўлга киритди

ASTANA. Kazinform – Қозоғистон терма жамоаси Испаниянинг Понтеведра шаҳрида ўтказилган кураш бўйича ёшлар ўртасидаги жаҳон чемпионатида иккита «бронза» медалини қўлга киритди, дея хабар беради Kazinform «Спорт Шредингера» Telegram-каналига таяниб.

2022 йилги жаҳон чемпионатининг 23 ёшгача бўлган эркин кураш бўйича Алишер Ерғали (125 килограммгача) ва Асил Айтакин (61 килограммгача) бронза медали совриндори бўлди.

Асил бронза медали учун баҳсда грузиялик полвон Рамаз Турманидзени мағлуб этган бўлса, Алишер венгриялик Милан Корксогни мағлуб этиб, медал соҳибига айланди.

Аввал хабар берганимиздек, 79 килограмм вазн тоифасида Даулет Ергеш кумуш, 60 килограмм вазн тоифасида юнон-рум курашчиси Олжас Султан бронза медалига сазовор бўлди.