Қозоғистон эркаклар терма жамоаси Францияда ўтказилган қиличбозликнинг шпага йўналиши бўйича мусобақада совринли ўринни эгаллади

ASTANA. Kazinform - Қозоғистоннинг қиличбозлик бўйича эркаклар терма жамоаси Франциянинг Сен-Мор-де-Фоссе шаҳрида ўтказилган Challenge Monal турнирида бронза медалини қўлга киритди. Бу ҳақда Миллий олимпия қўмитаси матбуот хизмати маълум қилди.

Қиличбозлар мусобақанинг ярим финалига йўл олишди. Бироқ ўша босқичда Франция терма жамоаси 36:45 ҳисобида имкониятни бой берди.

Учинчи ўрин учун баҳсда Қозоғистон терма жамоаси Исроил билан тўқнаш келди ва муаммосиз ғалаба қозонди.

Мазкур мусобақада Қозоғистон шарафини Руслан Қурбанов, Элмир Алимжанов, Вадим Шарлаимов, Ерлик Сертай ҳимоя қилди.

Бу тўрт нафар спортчи Париждаги Олимпия ўйинларида ҳам иштирок этади.