Қозоғистон элчиси Монако Князига ишонч ёрлиқларини топширди
Ишонч ёрлиқларини топшириш маросимидан сўнг суҳбат чоғида элчи Қозоғистон Республикаси Президенти Қасим-Жомарт Тоқаевнинг самимий саломини етказди ҳамда Қозоғистон икки мамлакат ўртасидаги муносабатларни янада кенгайтириш ва мустаҳкамлашдан манфаатдор эканини тасдиқлади.
Қозоғистонлик дипломат Монако Князига мамлакатда амалга оширилаётган кенг кўламли сиёсий ва ижтимоий-иқтисодий ўзгаришлар билан таништириб, Қозоғистоннинг халқаро ташаббуслари, хусусан, 8-9 июнь кунлари бўлиб ўтган Астана халқаро форуми ҳақида сўзлаб берди.
Ўз навбатида Монако Князи Монако ва Қозоғистон ўртасидаги дўстлик ва самарали ҳамкорликни ҳар томонлама мустаҳкамлашга катта аҳамият беришини таъкидлаб, ҚР Президенти Қасим-Жомарт Тоқаевга мамлакатни модернизация қилиш йўлида муҳим ўзгаришларни амалга оширишни, Қозоғистон халқига эса фаровонлик тилади.
