Қозоғистон дунёнинг энг йирик 50 та иқтисодий ривожланган давлатлар қаторидан жой олди
ASTANA. Kazinform – 2019-2026 йиллар Қозоғистон учун давлат бошқаруви тизими ва жамият тузилмасини кенг кўламда, тизимли ўзгартириш босқичи бўлди. Бу ҳақда Kazinform агентлиги мухбири хабар беради.
Ушбу даврнинг институционал соҳадаги энг муҳим натижаси 2026 йил 15 мартда умумхалқ референдумида янги Конституциянинг қабул қилиниши бўлди. Сиёсий ислоҳотлар мустаҳкам иқтисодий пойдеворга эга бўлди.
Рекорд даражадаги 2025 йил якунларига кўра, Қозоғистоннинг ялпи ички маҳсулоти (ЯИМ) 159,6 триллион тенгега етди ва реал ўсиш 6,5 фоизни ташкил этди. Бу мамлакатга Жаҳон банкининг глобал рейтингида ўз ўрнини 55-поғонадан 48-поғонага кўтариш ва дунёнинг энг йирик 50 та иқтисодиёти қаторида мустаҳкам ўрин эгаллаш имконини берди.
Макроиқтисодий асоснинг барқарорлиги инвестициялар оқими билан ҳам тасдиқланди. Асосий капиталга йўналтирилган йиллик инвестициялар ҳажми 12,6 триллион тенгедан 23,5 триллион тенгега етди. 2019 йилдан 2026 йилнинг биринчи чорагигача бўлган даврда тўғридан-тўғри хорижий инвестицияларнинг (ТХИ) умумий оқими эса 162 миллиард доллардан ошди.
2026-2028 йилларга мўлжалланган янги Макроиқтисодий барқарорлаштириш дастури доирасида Ҳукумат иқтисодиётнинг йиллик ўсиш суръатини камида 5 фоиз даражасида сақлаб қолиш ва 2028 йилгача инфляцияни 5+7 фоизгача пасайтиришни мақсад қилган.
