Қозоғистон дизель-электр локомотивлари Мўғулистонга етказиб берила бошлади

ASTANА. Кazinform - Ўтган йили маҳаллий темир йўл маҳсулотлари экспорти кенгайиб, Қозоғистонда ишлаб чиқарилган дастлабки 4 та дизель-электр локомотиви Мўғулистонга етказиб берилди. Ушбу локомотивларнинг ҳар бирининг нархи 4 миллион доллардан ошади, дея маълум қилди Саноат ва қурилиш вазирлиги матбуот хизмати.

Бугун Тожикистон, Ўзбекистон, Украина, Молдова, Озарбайжон, Туркманистон давлатлари Қозоғистон локомотивларига қизиқиш билдирмоқда.

“Дизель-электр локомотивларини Қозоғистонда “Локомотив йиғиш заводи” АЖ ва “Электровоз йиғиш заводи” МЧЖ ишлаб чиқаради. Ҳар бир корхонанинг ишлаб чиқариш қуввати йилига 100 донани ташкил этади”, — дейилади матбуот хизмати хабарида.

Таъкидлаш жоизки, пойтахтда жойлашган “Электровоз йиғиш заводи” корхонаси 2010 йилда темир йўл бозорига кирди. Завод тўлиқ циклли локомотивлар ишлаб чиқаради ва Марказий Осиё бозорида етакчи ўринда.