Қозоғистон бозорида олтин нархи кўтарилди

ALMATY. Kazinform – Қимматбаҳо металнинг расмий нархи янги рекорд ўрнатди ва бир грамм учун 44 минг тенгедан ошди.

Бугунги кунда Миллий банк томонидан тасдиқланган бир грамм олтиннинг расмий қиймати 44 495 тенгени ташкил қилади.

2024 йил бошидан буён бир грамм олтин 30,3 минг тенгедан 44 495 минг тенгега кўтарилди.

Олтин нархининг ошишига инвесторлар ва ишлаб чиқариш сектори томонидан талабнинг ортиши сабаб бўлмоқда.

2024 йилнинг III чорагида иккинчи даражали банклар ва якка тартибдаги нобанк айирбошлаш шохобчаларида умумий оғирлиги 475,5 кг бўлган 13 940 дона олтин қуймалари сотилди.

Эслатиб ўтамиз, 2017 йилда Миллий банк томонидан тозаланган олтин қуймаларини аҳолига сотиш ва сотиб олиш дастури ишга туширилган эди. Дастур бошланганидан буён умумий оғирлиги 7,4 тонна бўлган 199 235 дона олтин қуйма сотилган.

Олтин қуймалар беш хил вазнда тақдим этилади: 5, 10, 20, 50 ва 100 г. Харидорлар орасида 10 граммлик олтин қуйма катта талабга эга. Жами сотилган қуймалар ичида унинг улуши 24% - 48629 дона. Ундан кейинги ўринларда 100 граммлик олтин қуймалари – 47 227 дона (24 фоиз), 5 граммлик қуйма – 44 минг 127 дона (22 фоиз), 20 граммлик қуйма – 31 минг 612 дона (16 фоиз) ва 50 граммлик қуйма – 27 минг 640 дона (14%).

Миллий банк базавий ставкани 15,25 фоизга оширди.

Шунингдек, Миллий банк раиси Тимур Сулейменов доллар курсининг ўзгариши импорт қилинадиган товарлар нархига таъсир қилиши мумкинлигини айтди.

Миллий иқтисодиёт вазири Нурлан Байбазаровнинг сўзларига кўра, тенге курсининг заифлашишига учта асосий омил таъсир кўрсатмоқда.