Қозоғистон бокс федерацияси World Boxing таркибига кирди
ASTANA. Kazinform – Қозоғистон бокс федерацияси расман Бутунжаҳон бокснинг тўлиқ аъзоси бўлди. Қозоғистон Республикаси Миллий олимпия қўмитаси хабарига кўра, бу ҳақда АҚШнинг Колорадо-Спрингс шаҳрида бўлиб ўтган World Boxing халқаро федерацияси конгрессида маълум қилинди.
Бугунги кунда Бутунжаҳон бокс ташкилотининг (WВ) 55 нафар аъзоси бор.
Конгресс давомида ХОҚ томонидан тасдиқланган WB Низомига киритилган ўзгартиришлар муҳокама қилинди. Бундан ташқари, мусобақа регламентига киритилган ўзгартиришлар қабул қилинди. Хусусан, янги вазн тоифаларида турнирлар ўтказилади. Шунингдек, ҳакамларнинг жанг пайтидаги ишига ва ғолибларни аниқлашга ўзгартиришлар киритилди.
Шунингдек, World Boxing Олимпия комиссияси раиси Геннадий Головкин Конгресс иштирокчилари олдида сўзга чиқиб, 19 ёшгача бўлган ўсмирлар ўртасидаги биринчи жаҳон чемпионати ва Конгрессни ташкил этгани учун АҚШ бокс ташкилотига миннатдорчилик билдирди.
У ўз нутқида Португалияда булиб ўтган Миллий олимпия қўмиталари ассоциациясининг (МОҚА) Бош ассамблеясида турли мамлакатларнинг Миллий олимпия қўмиталари ва Олимпия ҳаракатининг бошқа спорт ташкилотлари билан учрашувлар ўтказган World Boxing олимпия комиссияси эришган ютуқларни қайд этди.
Конгресс давомида Қозоғистон бокс федерацияси 2027 йилги бокс бўйича жаҳон чемпионатини Лос-Анжелесдаги Олимпиада ўйинларига саралаш турнири сифатида ўтказиш учун ариза топширди. Жаҳон ташкилотининг қарори тез орада маълум бўлади.
Эслатиб ўтамиз, Бутунжаҳон бокс халқаро бокс федерацияси 2023 йил апрель ойида ташкил этилган.
