Қозоғистон БМТ тинчликпарвар контингентидаги аёллар сонини оширади

ASTANА. КАZINFORM - Бугун Парламент палаталарининг қўшма мажлисида БМТ миссияларига юборилган ҳарбий хизматчилар орасида аёллар сони ортиб бораётгани юзасидан  изоҳ берилди.

“Бирлашган Миллатлар Ташкилотининг гендер масалалари билан шуғулланувчи департаменти аёлларнинг тинчликни сақлашдаги иштирокини инобатга олган бир қатор далилларни ишлаб чиқди. Улар орасида тинчликпарвар аёллар маҳаллий аёллар гуруҳлари билан яхши муносабатлар ўрнатиши ва хавфсизлик бўйича разведка маълумотларини йиғишни яхшилаши мумкинлиги таъкидланди. Шу муносабат билан БМТ бўлинмадаги аёллар сонини 30 фоизга оширишни талаб қилди. Қозоғистон бу талабни бажариш мажбуриятини оладими? БМТ миссияларига юборилган ҳарбий хизматчилар орасида қанча аёллар бор?”, - деб сўради сенатор Айгул Қапбарова.

Ўз навбатида Мудофаа вазири Руслан Жақсилиқов Ғарбий Саҳрода ҳозирда битта аёл зобит борлигини айтди.

“Ҳарбий контингентда 7 нафар аёл юборилади. Кейинги ротацияда аёллар сонини кўпайтирамиз”, — деди вазир.

Улар орасида шифокорлар, таржимонлар, техник ходимлар бор.

Аввал хабар қилинганидек, бугун Парламент Қозоғистон ҳарбийларининг БМТ миссияларида иштирок этиши ҳақидаги Мурожаатномани маъқуллади.