Қозоғистон байдарка ва каноэда эшкак эшиш бўйича Осиё чемпионатида 30 медални қўлга киритди

Районг (Таиланд) шаҳрида байдарка ва каноэда эшкак эшиш бўйича 17 мамлакат спортчилари иштирок этган Осиё чемпионати якунланди. Қозоғистонлик спортчилар икки ёш тоифасида – ўсмирлар ва ёшлар ўртасида турли номдаги 30 та совринни қўлга киритди, деб хабар беради Каzinform агентлиги.

Миллий олимпия қўмитаси матбуот хизмати хабарига кўра, қозоғистонлик эшкак эшувчилар ҳисобида 11 олтин, 7 кумуш ва 12 бронза медал мавжуд.