Қозоғистон аёллар терма жамоаси арқон тортишда кумуш медални қўлга киритди

ASTANA. Kazinform – V Бутунжаҳон кўчманчилар ўйинлари доирасида “Алау” муз майдонида ўтказилган арқон тортиш мусобақасида Қозоғистон аёллар терма жамоаси шоҳсупага кўтарилди.

Қозоғистон Республикаси Туризм ва спорт вазирлиги “Миллий от спорти маркази” матбуот хизмати хабарига кўра, аёллар ўртасида 560 килограмм вазн тоифасида Қозоғистон терма жамоаси кумуш медални қўлга киритди.

Финалда маҳаллий спортчилар Россия терма жамоасига 2:0 ҳисобида имкониятни бой беришди.

Эслатиб ўтамиз, арқон тортиш бўйича аёллар ўртасидаги мусобақада 9 давлат вакиллари иштирок этди. Арқон тортиш мусобақасига ҳар бир мамлакатдан 20 нафар спортчи (10 нафар эркак, 10 нафар аёл), ҳар бир турдан 8 нафардан спортчи, 2 нафардан ёрдамчи ўйинчи (10 киши) юборилади.

Аввалроқ Қозоғистон қизлар терма жамоаси бес асиқ бўйича V Бутунжаҳон кўчманчилар ўйинлари ғолиби бўлгани ҳақида ёзган эдик.