Қозоғистон Ҳаво ҳужумидан мудофаа кучлари ташкил топганининг 24 йиллигини нишонламоқда

NUR-SULTAN. Кazinform - 18 август Қозоғистон Республикаси Қуролли Кучлари Ҳаво ҳужумидан мудофаа кучлари ташкил топган кун. Қуролли Кучларнинг ушбу бўлимининг ҳарбий хизматчилари Қозоғистон ҳаво чегараларини қўриқлашни, муҳим давлат ва ҳарбий объектларнинг ҳаво ҳужумидан мудофаасини таъминлайди, қуролли кучларнинг бошқа турлари ва бўлинмаларини авиация билан таъминлаш бўйича жанговар топшириқларни бажаради. Бу ҳақда Kazinform ҚР Мудофаа вазирлиги матбуот хизматига таяниб хабар беради.

Шахсий таркибни жадал тайёрлаш туфайли Қозоғистон авиация мутахассислари ва ҳаво Ҳужумидан мудофаа кучлари ҳарбий хизматчиларининг маҳорати доимий равишда ўсиб бормоқда. Ҳаво ҳужумидан мудофаа кучлари доимий равишда янгиланиб, авиация техникасининг замонавий моделлари, ҳаво ҳужумидан мудофаа воситалари, алоқа воситалари ва автоматлаштирилган бошқарув тизимлари билан тўлдирилиб борилади.

Ҳарбий ҳаво кучларининг авиация флоти замонавий фронт, армия ва ҳарбий транспорт авиация самолётлари, учувчисиз ҳаво тизимлари билан ифодаланади.

Ҳаво ҳужумидан мудофаа кучлари таркибига зенит-ракета тизимлари ва радиолокацион станциялар билан жиҳозланган зенит-ракета ва радиотехника қўшинлари киради, улар бутун баландлик ва тезлик оралиғида замонавий ҳаво ҳужуми қуролларини разведка қилиш ва йўқ қилиш имкониятига эга.

Ҳарбий учувчилар ва муҳандис-техник ходимлар Ақтўбе шаҳридаги Ҳаво ҳужумидан мудофаа кучлари ҳарбий институтида тайёрланади. Алматидаги Радиоэлектроника ва алоқа ҳарбий муҳандислик институти Ҳаво ҳужумидан мудофаа кучлари учун мутахассислар тайёрлайди.

Фото: gov.kz