Қозоғистон агросаноатида трансмиллий компаниялар иштирокида 7 та лойиҳа амалга оширилмоқда
ASTANA. Кazinform — Давлат раҳбарининг трансмиллий компанияларни агросаноат мажмуасига жалб этиш бўйича топшириғини бажариш мақсадида Қишлоқ хўжалиги вазирлиги «Kazakh Invest» МК» АЖ билан ҳамкорликда хорижий инвесторлар иштирокидаги умумий қиймати 3,8 миллиард долларлик 55 та лойиҳани қўллаб-қувватламоқда.
Ҳукуматда Бош вазир ўринбосари Серик Жуманғарин раислигида ўтказилган йиғилишда глобал ва трансмиллий компаниялар иштирок этаётган 7 та лойиҳани амалга оширишнинг бориши муҳокама қилинди.
Ушбу лойиҳаларга қуйидаги корхоналар киради:
- «INOKS Capital» Швейцария компанияси билан Алмати вилоятида мева-сабзавотни қайта ишлаш корхонасини қуриш;
- «PepsiCo» компанияси билан Алмати вилоятида 160 миллион доллар сармоя эвазига нордон таомлар ишлаб чиқарувчи завод қуриш;
- QazBioPharm холдинги ва Франциянинг Boehringer Ingelheim Animal Health компанияси ҳамкорлигида Жамбил вилоятида овсил касаллигига қарши вакцина ишлаб чиқариш;
- Чимкент шаҳрида «Coca-Cola Almaty Bottlers» БК МЧЖ томонидан салқин ичимликлар ишлаб чиқариш;
- Ерейментау тумани ҳудудида Испаниянинг BigFarm консорциуми иштирокида Ақмола вилоятида умумий қиймати 132 миллион долларлик чорвачилик комплексини қуриш;
- Алмати вилоятида CITIC Construction компаниясининг ғаллани чуқур қайта ишлаш заводини қуриш;
- Алмати вилоятидаги «Маревен Фуд» компанияси томонидан алкоголсиз ичимликлар ишлаб чиқариш.
Кенгашда давлат органларидан ёрдам талаб қилувчи масалалар муҳокама қилинди.
Бош вазир ўринбосари Қишлоқ хўжалиги вазирлигига маҳаллий ижроия ҳокимияти органлари ва Ташқи ишлар вазирлиги билан ҳамкорликда лойиҳаларни амалга оширишни қўллаб-қувватлаш, қишлоқ хўжалиги маҳсулотлари етиштиришга бошқа трансмиллий компанияларни жалб этиш бўйича ишларни фаоллаштиришни топширди.
