Қозоғистон 2030 йилга бориб нефть қазиб олишни 100 миллион тоннага етказмоқчи

ASTANA. Kazinform - Бу ҳақда ҚР Энергетика вазири Алмасадам Сатқалиев Алматида бўлиб ўтган KIOGE конференциясида маълум қилди, дея хабар беради Kazinform мухбири.

Вазирнинг таъкидлашича, 2023 йилда Қозоғистонда нефть қазиб олиш 90 миллион тоннани (655 миллион баррель), ўтган йили нефть экспорти эса 70,5 миллион тоннани (517 миллион баррель) ташкил этган.

“Ҳозирги мақсад - 2030 йилга бориб нефть қазиб олишни йилига 100 миллион тоннага (тахминан 730 миллион баррель) оширишдан иборат”, — деди у.

Табиий газ ишлаб чиқаришга келсак, 2023 йилда бу кўрсаткич 59,1 миллиард куб метрга етган бўлса, 2030 йилга бориб 90,7 миллиард куб метрга етиши режалаштирилган.