Қозоғистон 2025 йилда Хитойнинг энг истиқболли сайёҳлик йўналиши сифатида тан олинди

ALMATY. Kazinform — Қозоғистон “2025 йилнинг энг истиқболли янги йўналиши” мукофотини қўлга киритди.

Хитойнинг етакчи онлайн-сайёҳлик агентлиги Tongcheng Travel ушбу мукофотни «Kazakh Tourism»га топширди.

Эслатиб ўтамиз, Хитойнинг энг йирик онлайн-сайёҳлик агентликларидан бири бўлган Tongcheng Travel платформаси 230 миллиондан ортиқ фойдаланувчини бирлаштирган.

Онлайн-агентлик маълумотларига кўра, 2024 йилда хитойлик сайёҳлар орасида Қозоғистонга саёҳатга бўлган талаб ўтган йилга нисбатан 300 фоизга ошган. Tongcheng Travel бу тенденция 2025 йилда ҳам давом этишини башорат қилмоқда.

“Туризм йили доирасида хитойлик сайёҳлар сони икки баравар кўпайганини, Қозоғистонга саёҳатга бўлган талаб сезиларли даражада ошганини кузатдик. Биз бу тенденцияни қўллаб-қувватлаймиз ва Хитойнинг етакчи онлайн платформалари билан ҳамкорликни кенгайтиришни истаймиз”, – деди «Kazakh Tourism» МК” АЖ бошқаруви раиси Қайрат Садуақасов.

2024 йилда Хитойда Қозоғистон туризми йили натижасида ХХРга ташриф буюрган сайёҳлар сони 78 фоизга ошиб, 655 минг кишига етди.

Эслатиб ўтамиз, 2024 йил Хитойда Қозоғистон туризми йили бўлиб, Хитойнинг йирик шаҳарларида 30 дан ортиқ тадбирлар ўтказилди.