Қозоғистон 2024 йилда дунёнинг энг яхши саёҳат йўналишлари қаторига кирди
ASTANА. Кazinform – Марказий коммуникациялар хизматида бўлиб ўтган матбуот анжуманида Қозоғистон Республикаси Туризм ва спорт вазирлигининг Туризм саноати қўмитаси раиси Нуртас Карипбаев мамлакат эришган қатор ютуқлар ҳақида гапирди.
The New York Times нашрининг ёзишича, Алмати 52 та энг яхши сайёҳлик йўналишлари қаторига киритилган. Шу билан бирга, Conde Nast Traveller ва Wanderlust Қозоғистонни 2024 йилда дунёдаги энг яхши саёҳат йўналишлари қаторига киритди. Бундан ташқари, Conde Nast Traveller Italia “Шимбулақ” тоғ курортини ТОП-5 чанғи дестинациясига киритди.
“Жорий йилнинг январь ойида мамлакат Ҳиндистоннинг Today нашри томонидан “Ҳиндистонлик саёҳатчилар учун энг яхши йўналиш” деб топилди. Skyscanner маълумотларига кўра Қозоғистон Ҳиндистон бозорида биринчи ўринда туради ва бу йил БААлик сайёҳлар учун Рамазон ҳайитида (Eid Al Fitr) энг яхши йўналиш бўлди. Шунингдек, Forwardkeys маълумотларига кўра, Қозоғистон Хитойдан сайёҳлар оқимини тиклаш бўйича энг юқори кўрсаткичга эга - ўсишнинг 212%, бу Қозоғистонни ХХР фуқаролари учун энг яхши 50 сайёҳлик йўналишига киритади", - деди спикер.
