Қостанай вилоятида 23 та сут ва сут маҳсулотлари ишлаб чиқариш фермаси қурилади

сут-сутчилик фермаси
Фото: Мухтор Холдорбеков/Kazinform

Келгуси йилда устувор йўналишлар – сут саноати, гўштни қайта ишлаш, саноат иссиқхона хўжалиги, ғаллани чуқур қайта ишлаш лойиҳаларини амалга ошириш доирасида улкан ўзгаришлар режалаштирилган, деб хабар беради Kazinform мухбири.

Вилоят қишлоқ хўжалиги бошқармаси бошлиғи Ибрагим Бекмуҳамедовнинг маълум қилишича, бу соҳани ривожлантириш, аввало, импортга қарамликни камайтиришга қаратилган.

Шу тариқа, сут ва сут маҳсулотлари бўйича уни ишлаб чиқариш ҳамда экспорт улушини ошириш мақсадида яқин келажакда вилоятда 23 та замонавий сут-товар фермаси барпо этиш режалаштирилган.

Жорий йилда умумий қиймати 34,8 миллиард тенге бўлган 7 та лойиҳа бўйича ишлар бошлаб юборилган бўлиб, бу йилига қўшимча 52,3 минг тонна сут ишлаб чиқариш имконини беради.

– Келгусида ҳар йили камида 10 та янги сут-товар фермаси қуришни режалаштирганмиз. Лойиҳаларни амалга ошириш учун 100 миллиард тенгедан ортиқ инвестициялар жалб қилиниб, 800 га яқин янги иш ўринлари яратилади. Жорий этиладиган сут фермалари маҳсулот ишлаб чиқаришни 30 фоизга ошириш имконини беради ва сутни қайта ишлаш корхоналаридан қўшимча фойдаланишни 70 фоиздан 86 фоизгача таъминлайди, – деди “Қостанай вилояти ҳокимлиги қишлоқ хўжалиги ва ер муносабатлари бошқармаси” давлат муассасаси раҳбари Ибрагим Бекмуҳамедов.

Гўшт маҳсулотларига келсак, кейинги уч йилда умумий қиймати 870 миллион тенгелик гўштни қайта ишлаш бўйича 4 та лойиҳани амалга ошириш режалаштирилган.

Яна бир янгилик - бу жуда янги ишлаб чиқариш объекти - донни чуқур қайта ишлаш заводининг жорий этилиши бўлади.

- Лойиҳанинг умумий қиймати 50 миллиард тенге. 600 та янги иш ўрни яратиш режалаштирилган. Заводнинг йиллик қуввати: - 31 минг тонна клейковина, - 110 минг тонна сироплар, - 53 минг тонна озуқа хамиртурушлари, - 66 минг тонна кепак ишлаб чиқаришга тенг. Фойдаланишга топшириш - 2026 йилга мўлжалланган”, - деди у.

Муаллиф: Дарья Аверченко

Сўнгги хабарлар