Қостанай автомобиль заводлари Қозоғистондаги автомобилларнинг деярли 61 фоизини ишлаб чиқаради

ASTANA. Kazinform – Республикада ишлаб чиқарилаётган барча автомототранспорт воситаларининг деярли 61 фоизи Қостанай вилоятида ишлаб чиқарилади. Жорий йил бошидан буён 35 мингдан ортиқ автомобиль йиғилиб, шундан 7,1 минг донаси экспорт қилинди. Бу ҳақда вилоят ҳокими Қумар Ақсақалов Марказий коммуникациялар хизматида бўлиб ўтган брифингда маълум қилди, дея хабар беради Kazinform.

Вилоятда ишлаб чиқарилаётган автомобиль моделлари ассортименти доимий равишда кенгайиб боряпти. «СарыаркаАвтоПром» МЧЖ йилига 30 минг дона автомобиль ишлаб чиқариш қувватига эга, қиймати 23,4 миллиард тенге бўлган «Chevrolet Onix» автомобилларини ишлаб чиқариш лойиҳаси устида фаол иш олиб бориляпти. Бунинг натижасида 400 та иш ўрни яратилди.

Инвестицион жозибадорликни ошириш мақсадида инвесторларни қўллаб-қувватлаш учун ишлаб чиқариш, транспорт ва хизмат кўрсатиш инфратузилмасини такомиллаштириш давом этяпти.

Қостанай саноат зонасида лойиҳаларнинг кўлами ва технологик параметрларини ҳисобга олган ҳолда коммуникацияларни сарҳисоб қилиш нуқтаи назаридан ҳар бир инвесторга индивидуал ёндашув қўлланилади.