10:10, 02 Февраль 2022 | GMT +5
Коронавирус юқтирган йўловчи норвегиялик олимпиячилар билан Пекинга учган
HELSINKI. Кazinform - Норвегия олимпия қўмитаси Ослонинг Гардермоен аэропортидан Пекинга учган спортчилар билан бирга самолёт бортида коронавирусга чалинган шахс бўлганини тасдиқлади. Бу ҳақда Kazinform NRК корпорациясига таяниб хабар беради.

«Вазият жуда оғир», - дея Қироллик Олимпия қўмитасининг қишки спорт бўйича менежери Хельге Бартнеснинг сўзларидан иқтибос келтирмоқда NRК.
Норвегия терма жамоасини олиб кетаётган биринчи самолёт душанба куни кечқурун Хитойга учди. Пекиндаги Қишки Олимпия ўйинларининг тантанали очилиш маросими 4 феврал куни бўлиб ўтади ва 20 феврал куни якунланади. Оғир эпидемик вазият туфайли барча мусобақалар санитария-хавфсизлик чораларига қатъий риоя қилган ҳолда ўтказилади.