Коронавирус: Яна бир вакцина расман рўйхатга олинди, Лондонда фавқулодда ҳолат эълон қилинди
Коронавирус Буюк Британияни ишғол қилмоқда. Сўнгги кунларда бу ерда мисли кўрилмаган даражада юқтириш ҳолатлари қайд этилди - кунига 90 мингдан ортиқ.
Бир кун аввал 92 503 та ҳолат аниқланган, бу пандемия даврида мутлақ антирекордга айланди.
«Омикрон»нинг тарқалиши туфайли қиролича Елизавета II Рождество олдидан оилавий кечки овқат ўтказмади.
«Расмий маълумотларга кўра, 10 мингга яқин одамда «омикрон« штамми ташхиси қўйилган, аммо Буюк Британияда янги коронавирус мутациясига чалинганлар сони икки баравар кўп бўлиши мумкин», - деди мустақил экспертлар.
Жаҳон соғлиқни сақлаш ташкилоти яна бир COVID-19 вакцинасини қўллашни маъқуллади.
Бу ЖССТ томонидан тан олинган тўққизинчи вакцинадир. Фавқулодда ҳолатларда фойдаланиш учун Ҳиндистонда Американинг Novavax компанияси лицензияси остида ишлаб чиқарилган Cоvavax таклиф этилади.
«Коронавируснинг янги штаммлари пайдо бўлган тақдирда ҳам вакцина одамларни SARS-CоV-2 нинг жиддий асоратлари ва ўлимдан ҳимоя қилишнинг энг самарали усулларидан бири бўлиб қолмоқда», - деди ЖССТ бош директори ёрдамчиси Марианжела Симао.
Фавқулодда ҳолатларда фойдаланиладиган вакциналар рўйхатига Cоvavaxнинг қўшилиши кам даромадли мамлакатларда эмлаш имкониятини оширишга ёрдам беради.
М. Симаонинг айтишича, 41 давлат ҳали ўз аҳолисининг 10 фоизини эмламаган, 98 мамлакатда эса бу кўрсаткич 40 фоизга етмаганини маълум қилди.
Лондон мэри Садиқ Хан «омикрон» штамми билан касалланганлар сони ортгани сабабли фавқулодда ҳолат эълон қилди.
Унинг таъкидлашича, сўнгги 24 соат ичида шаҳарда 26 мингдан ортиқ CОVID-19 ҳолати қайд этилган. Бу пандемия бошланганидан бери энг юқори кўрсаткичдир.
Данияда ҳукумат «омикрон» тарқалиши туфайли янги чекловлар жорий этишни режалаштирмоқда.
Хусусан, мамлакатда театрлар, кинотеатрлар, кўнгилочар боғлар ёпилиб, соат 22:00 дан кейин спиртли ичимликлар савдосини тақиқлаш мўлжалланмоқда.
АҚШ касалликларни назорат қилиш ва олдини олиш марказлари бошқа мамлакатлардан келган саёҳатчиларга CОVID-19 уйда аниқлаш имконини берадиган бепул тест тўпламларини таклиф қила бошлади.
Тўпламларлар О Хара (Чикаго), Майами ва Миннеаполис-Сент-Пол аэропортларида мавжуд.
