Коронавирус: Шанхай касалхоналари беморлар билан тўла

ASTANA. Kazinform – Шанхайда ҳар куни COVID-19 белгилари билан тиббиёт муассасаларига зудлик билан минглаб беморлар ётқизилади, уларнинг аксарияти 65 ёшдан ошганлар, дея хабар беради Kazinform Euronewsга таяниб.

Хитой давлат оммавий ахборот воситаларининг хабар беришича, 25 миллионлик мегаполис аҳолисининг 70 фоизи вирусни юқтирган бўлиши мумкин.

Мамлакат расмийлари қаттиқ санитария чекловларини бекор қилганидан бир ой ўтгач, Хитой мисли кўрилмаган инфекциялар тўлқинига дуч келди.

Сўнгги кунларда ўндан ортиқ мамлакатлар Хитойдан келган саёҳатчилар учун COVID-19 тестларини жорий қилди. Пекин бу ҳаракатни қоралади.

Аввалроқ Хитой 8 январ куни ўз чегараларини қайта очишини ва вирусли инфекциялар тарқалишининг олдини олиш учун ўрнатилган карантин чораларини бекор қилишини айтган эди. Аввалроқ мамлакатда ковид бўйича кунлик маълумотларни чоп этиш тўхтатилган эди. Хитой қуруқликдаги чегара пунктлари орқали йўловчи ташишни қайтадан йўлга қўйиши ва яна ўз фуқароларига хорижий турлар учун паспорт беришни бошлаши маълум қилинди.

Фото: euronews.com