Коронавирус: Россияда янги антирекорд қайд этилди

NUR-SULTAN. Kazinform - Европада коронавирус хавфи юқори бўлган давлатлар рўйхати ўсиб бормоқда. Россияда янги антирекорд қайд этилди. Бу ҳақда Қозоғистонда COVID-19 тарқалишининг олдини олиш бўйича идоралараро комиссиясининг Telegram-каналида маълум қилинди, деб хабар беради Kazinform.

Европа коронавирус хавфи юқори бўлган давлатлар рўйхатини кенгайтирмоқда. Германия Руминия ва Литвани COVID-19 учун хавфли давлатлар деб эълон қилди. Ҳозиргача Словения Европа Иттифоқи мамлакатлари орасида «қизил» зонага киритилган. Роберт Кох институти, шунингдек, Беларусьни хавфли ҳудуд сифатида тан олди. Бу давлатларга борганлар Германияга коронавирус сертификатисиз ёки коронавирусдан тузалмай қайтган тақдирда эмлаш10 кунлик карантинда юборилади. Бешинчи куни тест натижаси манфий бўлса, карантиндан чиқарилиши мумкин. Умуман олганда, дунёнинг 70 га яқин давлати юқори хавфлар давлатлар рўйхатига киритилган.

Россия Федерациясида коронавирус билан касалланиш ва ўлим даражаси кескин ошди. Расмий маълумотларга кўра, сўнгги бир кун ичида 26 мингга яқин одамга COVID-19 ташхиси қўйилган, 890 нафар бемор вафот этган-бу янги рекорд. Шу муносабат билан Россия ҳудудлари янги чекловлар жорий этмоқда. Масалан, Уфа ва Пермь вилоятларида QR-кодлар тизими қайта ишга туширилади. Псковда барча спорт ва диний тадбирлар тўхтатилди ва 65 ёшдан ошганлар учун ўзини изоляция қилиш мажбурийдир. Ханти-Мансийск автоном округи ва Ростов вилоятида бюджет ходимлари масофавий иш форматига ўтказилади.