Кореялик мутахассислар Астана, Алмати ва Павлодардаги иссиқлик электр станцияларини кўздан кечиради

ASTANA. Кazinform - Чоршанба куни Қозоғистон Республикаси Энергетика вазири Алмасадам Сатқалиев Кореянинг «KEPCO» ва «DOOSAN ENERBILITY» электроэнергетика корпорациялари вице-президентлари Янг Юн-Х ва Шин Чжон Ген, шунингдек, компаниянинг бошқа вакиллари билан учрашди.

Учрашувда томонлар келгусида сармоя киритиш учун Қозоғистондаги бир қанча электр станцияларининг ҳолатини ўрганиш масаласини муҳокама қилдилар.

KEPCO Астана, Алмати, Павлодар ва Топар иссиқлик энергия марказларида тажриба-синов ишларини олиб бориши режалаштирилган.

“Ўтказилган тадқиқот натижаларига кўра, станциялардан кейинги фойдаланиш истиқболлари, уларни модернизация қилиш ва экологик кўрсаткичларини яхшилаш бўйича сизлардан эксперт баҳосини кутамиз”, — деди Қозоғистон Республикаси Энергетика вазири.

Шунингдек, у компанияга вазирлик томонидан зарур ёрдам кўрсатилишини айтди.