Кореяда янги антирекорд: Бир кунда 170 минг кишида коронавирус аниқланди

SEOUL. YONHAP - Kazinform - Чоршанба куни Жанубий Кореяда коронавирус билан касалланганлар сони кескин ошиб, 170 минг кишига етди, дея хабар беради Kazinform YONHAP агентлигига таяниб.

Корея Касалликларни назорат қилиш ва олдини олиш агентлиги маълумотларига кўра, мамлакатда кеча бир суткада 171 452 киши касалланган. Шундай қилиб, коронавирус билан касалланганлар жами сони 2 329 182 нафарга етди.

Бир кун аввал бу кўрсаткич 99 572 кишини ташкил этган бўлса, якшанба куни ўрнатилган рекордга кўра, вирус 104 814 кишида аниқланган.

Ўтган ойнинг охирида Жанубий Кореяда омикрон штамми билан касалланиш ҳолатлари кескин ошди. Бу янги антирекорднинг сабаби.

Мамлакат соғлиқни сақлаш органлари маълумотларига кўра, келаси ой бошида «омикрон» тўлқини ўзининг энг юқори чўққисига чиқади ва ҳар куни 270 минг кишида вирус аниқланади. Мутахассисларнинг прогнозларига кўра, бу вақтга келиб оғир ҳолатлар сони 1000 дан ошади.