Корея Президенти Тоқаевга миннатдорчилик билдирди
ASTANА. Кazinform — Жанубий Корея Президенти Ли Чжэ Мён Қозоғистон Президенти Қасим-Жомарт Тоқаев ва Қозоғистон Республикаси Миллий хавфсизлик қўмитасига жиноий гуруҳ аъзоларини ҳибсга олиш ва уларни тезда ватанларига қайтаришдаги ҳамкорлиги учун миннатдорчилик билдирди.
Жанубий Корея раҳбари бу ҳақда Х ижтимоий тармоғидаги постида ёзган.
— Камбоджа ва Вьетнам орқали Қозоғистонга яширинча кириб, фуқароларимизга қарши телефон фирибгарлигини содир этган Корея Республикасининг уюшган жиноий гуруҳи аъзолари ўша жойда ҳибсга олинганидан 2 ҳафта ўтгач тўлиқ ватанларига қайтарилди ва ҳозирда тергов олиб борилмоқда, — деди у.
Унинг таъкидлашича, Корея Республикаси фуқароларининг хавфсизлиги ва тинч ҳаётига таҳдид соладиган жиноятлар учун ҳеч қандай истиснолар бўлмайди.
— Ҳибсга олишдан тортиб депортациягача бўлган ишларни тезкор амалга ошириш Қозоғистон Республикаси Президенти Қасим-Жомарт Тоқаев ва Қозоғистон Республикаси Миллий хавфсизлик қўмитасининг фаол қўллаб-қувватлаши ва ҳамкорлиги туфайли мумкин бўлди. Биз Президент Қасим-Жомарт Тоқаев ва тегишли томонларга самимий миннатдорчилигимизни билдирамиз. Келгуси ойда бўлиб ўтадиган “Корея Республикаси — Марказий Осиё” саммитида тўғридан-тўғри учрашиш ва шахсан миннатдорчилигимизни билдириш имкониятига эга бўламиз, деб умид қиламиз. Корея Республикаси фуқароларининг хавфсизлиги ва тинч ҳаётига таҳдид соладиган жиноятлар учун ҳеч қандай истисно бўлмайди. Улар қаерда яширинмасин, биз уларни охиригача қидирамиз ва албатта жавобгарликка тортамиз, — деб ёзган Ли Чжэ Мён.
Камбоджа мен Вьетнам арқылы Қазақстанға жасырын кіріп, біздің азаматтарымызға қарсы телефон алаяқтығын жасаған Корея Республикасының ұйымдасқан қылмыстық топ мүшелері жергілікті жерде ұсталғаннан кейін 2 апта өткен соң толықтай елге қайтарылып, қазіргі уақытта тергеу амалдары… https://t.co/C4kcfCQXmK
— 이재명 (@Jaemyung_Lee) August 11, 2026
